Audrey Croes-Lacle

Audrey Croes-Lacle no ta un persona desconoci. Den e area di comercio e ta un dama cu na un edad hoben a cuminsa asisti su mama Sra. Maggy Abraham q.e.p.d den e negoshi cu e mama a inicia. Asina ganando experencia riba e tereno aki, y pa mas despues Sra. Lacle-Croes mes ta bira e persona encarga pa dirigi y maneha Maggy’s.
Pa algun aña caba Audrey ta tambe e comerciante cu na hopi occasion ta sali na defensa di e comercio di Caya Grandi, como presidente di MAMBO. Un dama hopi recto y directo cu no ta duda pa expresa loke e ta pensa.